صرلي فترة و التدوين عانن عبالي، كل مرة بأجل الموضوع بحجة شكل، مرة بقول خايفة أبلش و ما أكمل أو ما أقدر أكمل...مرة تانية بحكي ما بدي اتفلسف و احكي أفكار بعرف أنه كتير مرات ما حتزيد عن كونها مجرد أفكار...مرات بشك أني حضيف شي جديد لعالم التدوين و لكل هالأفكار اللي بتطلع علينا كل يوم من كل مكان...بس بالآخر قلت خليني أجرب...حتى لو فشلت و حتى لو أنسب علي...حتى لو ما ضفت شي جديد...حكون جربت...و ما رح اقضي عمري اسأل حالي يا ترى لو كان عندي مدونة كان كيف كانت حتكون؟
ما بوعدكم بشي، لسا ما بعرف عن شو رح أكتب و كيف حيكون أسلوبي...بس بتقدروا تتوقعوا كل شي و أي شي...
شكراً لكل حدا عم يقرأ هادا المقال و شكراً أكتر للي رح يعلق
سلام
15 اغسطس, 2006 03:41 م